网页平台、订制网页系统还是开源CMS?-南宁建站公司。
网页平台、订制网页系统还是开源CMS?
内容管理系统CMS是网站的核心
好多朋友觉得搵网页公司第一件事就系要睇网页整得靓唔靓，视觉感观(Visual)就系网页设计既一切，但事後先知搅错左件事。的而且确，美观既网页可以给予新旧用户相当既吸引力，不过Visual只系网页其中一环，仲有Overall既使用体验，例如容易搵到想要既资料，手机电脑都兼容到等等。另一方面，公司同事要定期更新内容既话，就要有一套内容管理系统(Content Management System, CMS)，CMS正正系网站既核心处理器，无左CMS，就只有Programmer先可以更新到网站内容，试想像一下你只系要换主页既一幅Banner都要搵个识网页编程既人处理，维护系极度唔方便同昂贵。
今次我地航家建站网页公司就会介绍3种2020年主流CMS模式，以及相关既常见例子。每种模式都各有优胜之处，适合不同阶段既企业采用。3种CMS模式包括：
网页制作平台 (Website builder)自订内容管理系统 (Custom CMS)开放源码内容管理系统 (Open source CMS)
或者你未听过呢啲名词，不过有关既CMS就应该会听过，例如香港既Shopline、Boutir掌铺以至国际性既Wix同Shopify就系网页制作平台；WordPress、Magento、Joomla、Drupal等就系最主流既Open Source CMS。事不直迟，马上去文。
网页制作平台适合创业人士
Website builder即系网页管理员直接登上有关既平台进行网站架设及更新，平始往往会提供大量模版(Website template)俾用家选择，唔使由零开始，甚至只需换上公司logo及图文就可出街。网页制作平台既好处系即食易用，不单止唔需要编程，甚至连设计都唔使识，只需基本电脑操作技考就可以建立网站。平台费用一般只需每月数百元，就有齐全自动既管理同维护，入门要求好低，故此十分适合刚刚创业既人士。
网页平台既局限性系所有功能都必需系由平台提供，如果你想要既功能较为冷门，平台系无可能为你度身订造一个你要既功能。另外如果你对设计有要求，平台未必可以俾你加插自订网页设计编码，尤其系香港本地平台都唔能够满足到呢点，外国既平台例如 Shopify就容许用户进行编程。但请慬记，网页平台基本上系封闭性的，他朝一天想转换平台，就意味住你一定要放弃已有既网站，再由零开始。除非平台实力相当雄厚，否则大公司真系比较少会选用网页平台。
自订CMS专为特定用途而设
另一个极致就系自订CMS，即系完全自己建立既内容管理系统，好处系完全符合公司特定要求，无论介面、使用方法以至功能都可以订制。自订CMS未必完全由零开发，网页公司可以由开放源码CMS改装，从而降低开发成本。然而，由於自订系统专为一间公司而设，成本不菲，未计设计费用可能已需数万至数十万港元，对於资金不多既初创或中小企而言，实在需要有一个理由先会采用Custom CMS。另外 Custom CMS既维护成本可以好高，万一原有网站开发公司结业，就得另觅编程团队协助维护，如原有公司未能提供详细说明文件 (Documentation)，聘用编程员去分析自订CMS将会非常昂贵。航家建站认为如果你在市面上搵唔到可提供心仪功能既系统，先至要考虑用Custom CMS。
开放源码CMS适合中小企业
最後要介绍既就系开放源码内容管理系统(Open source CMS)，就咁睇名你可能唔知系乜野意思，但Open source CMS既例子你应该会听过，例如WordPress、Magento、Drupal等等。Open source系指整个系统程式既程式码系公开而且可以自行修改的，着名既Open source软件例子仲有Android、Linux等，所以软件本身系无任何授权费用。开放源程式除左免费外，由於背後既理念系集体智慧 (Collective intelligence)，所以一般需要既功能都齐备，亦都唔受某间公司限制，例如即使原来既WordPress网页公司结业，大可搵过另一间有提供WordPress开发既网页公司协助。
一般人对Open source CMS有一个误解，就系唔安全。「既然source都开放埋，边会安全啦?」其实呢个系一个谬误，正因为Open source，安全漏洞都发现得早，只要设定好自动更新，保安反而较Custom CMS更有保证。美国白宫网站 (www.whitehouse.gov)正是以WordPress作为CMS的。
由於Open source CMS的性价比高，十分适合中小企业采用，即使大企业或机构的入门网站都适宜。搵香港网页设计公司用Open source CMS设计网站，价钱由数千元至十数万元不等，视乎设计及功能要求而定。
总结
以上3种CMS模式各有优胜之处，适合唔同阶段或要求既企业采用。网页平台 (Website builder)较适合资本唔多既创业人士使用，无需起始费用，每月数百元即可自行拥有公司网站；自订CMS则适合有特殊要求而且有一定资本既公司采用，起动费用由数万元至数十万元不等，维护年费约为起动费的10 – 15%左右，由於完全自订，公司客户应同网页公司倾清楚条款；开源CMS适合一般中小企业以至大企的品牌网站，起动费用由数千元至十数万元，维护费用要视乎功能，如作为一般既品牌网站，则约每月数百元经已十分足够。
网页设计系一个转变急速既行业，一般网站既生命周期大约系3至5年，视乎使用目的，航家建站经常将网页比喻为你网上既店铺，零售食肆一般既装修设计大约都系3至5年，实在十分吻合。唔同实体店既系，网站或者网店可以使用CMS随时随地更新，为客人带新鲜感。
航家建站，专业网页设计及网站开发，欢迎联络。
